ბროკოლის სუპი-პიურე პიტნითა და რიკოტათი

• 40 წთ
• მარტივი
• 4 პორცია

ბროკოლის სუპი პიტნითა და რიკოტათი ორიგინალური, სასარგებლო და მარტივად მოსამზადებელი კერძია. თუ გსურთ, რომ ოჯახის წევრებს გემრიელი, თანაც ჯანსაღი და სასარგებლო სადილით გაუმასპინძლდეთ, ამ კერძის მომზადება ერთ-ერთი საუკეთესო არჩევანია.

ინგრედიენტები

• ნიორი – 1 კბილი
• პიტნა – 1/2 კონა
• ნიახური – 2 ღერი
• ბროკოლი – 400 გ
• ზეითუნის ზეთი – 1-2 სუფრის კოვზი
• ქათმის ან ბოსტნეულის ბულიონი – 1 ლიტრი
• მარილი – გემოვნებით
• დაფქული შავი პილპილი – გემოვნებით
• რიკოტა – გემოვნებით

მომზადების წესი

ნიორი და პიტნა წვრილად დაჭერით, ნიახური და ბროკოლი კი – მსხვილად;

ქვაბში ჩაასხით ზეთი და საშუალო ცეცხლზე დაადგით, დაუმატეთ ნიორი და ნიახური და 2-3 წუთის განმავლობაში შუშეთ. ამის შემდეგ დაამატეთ კომბოსტო და ბულიონი და დაახლოებით 5 წუთი ადუღეთ, სანამ ბროკოლი არ დარბილდება;

წვნიანი გააგრილეთ და დააბლენდერეთ. მოაყარეთ მარილი და პილპილი და სუფრასთან რიკოტასთან და პიტნის ფოთლებთან ერთად მიიტანეთ.

ბროკოლის სასარგებლო თვისებები

ბროკოლის სარგებლობა ამ ბოსტნეულის შემადგენლობით არის განპირობებული. ბროკოლი შეიცავს: ცილებს, ცხიმებს, ნახშირწყლებს, ვიტამინებს: А, С, В1, В2, В5, В6, РР, Е, К; უჯრედისს, კალიუმს, ფოსფორს, კალციუმს, მაგნიუმს, რკინას, თუთიას, მანგანუმს, გოგირდს, ფოლიუმის მჟავას და ბეტა-კაროტინს.

ის შესანიშნავი დიეტური პროდუქტია ისეთი დაავადებების პროფილაქტიკისა და მკურნალობისთვის, როგორიცაა ონკოლოგიური, გულ-სისხლძარღვთა დაავადებები, ნერვული აშლილობები, კუჭ-ნაწლავის სისტემის დაავადებები, ნივთიერებათა ცვლის დარღვევა, პოდაგრა.