ბულგარული წიწაკის მიქსი

„იორლენდის“ ბიომეურნეობაში მოყვანილი წითელი და მწვანე ბულგარული წიწაკის მიქსი არის ბოსტნეულის კომბინაცია, რომელიც გემოს სრულყოფილ ბალანსს უზრუნველყოფს. წითელი წიწაკა რბილი, ტკბილი და წვნიანია; მწვანე — ხრაშუნა და ოდნავ მწკლარტე. ერთად კი ისინი განსაკუთრებულ გემოს ქმნის, რომელიც იდეალურია სალათებისთვის, გარნირებისა და მთავარი კერძების ინგრედიენტად.
ის განსაკუთრებით პოპულარულია ბოსტნეულის მიქსებში, სტაფილოსთან ან კარტოფილთან ერთად. თერმული მომზადების დროსაც ადვილად ინარჩუნებს სტრუქტურასა და ფერს, რაც ამარტივებს კერძის ვიზუალურ და გემოვნურ სრულყოფას.
ორივე წიწაკა მდიდარია A და C ვიტამინებით, ანტიოქსიდანტებით, ბოჭკოებითა და მინერალებით.