ბიომეურნეობასთან დაკავშირებული კითხვები
ბიომეურნეობა არის სოფლის მეურნეობის სისტემა, რომელიც ეფუძნება ეკოლოგიურად სუფთა, ბუნებრივ პროცესებსა და მეთოდებს. ის მიზნად ისახავს ნიადაგის, წყლის, მცენარეთა და ცხოველთა ბუნებრივი ბალანსის შენარჩუნებას ადამიანის ჩარევის მინიმალიზაციის გზით. ჩვენს ბიომეურნეობაში:
- არ ვიყენებთ ქიმიურ სასუქებს, პესტიციდებსა და ჰერბიციდებს
- მცენარეები ირწყვება მდინარე იორის სუფთა წყლით
- ცხოველები იკვებებიან მხოლოდ ბუნებრივი საკვებით, ყოველგვარი ზრდის ჰორმონების მიღების გარეშე
- მოსავალს ვიღებთ სეზონურად და ბუნებრივად — არ გამოიყენება გენმოდიფიცირებული ორგანიზმები (GMO)
- მიწა და ბიომრავალფეროვნება დაცულია მოსავლის გადამეტებული, ინტენსიური მოყვანისგან და, შესაბამისად, ნიადაგის გამოფიტვისგან
ეს ტერმინები — ბიო, ორგანული და ეკო — სინამდვილეში ერთსა და იმავეს ნიშნავს, თუმცა მათი გამოყენება განსხვავდება ქვეყნისა და რეგულაციის მიხედვით:
„ბიო“
ეს ტერმინი გავრცელებულია ევროპასა და საქართველოში.
იგულისხმება სოფლის მეურნეობის ისეთი პროდუქცია, რომელიც წარმოებულია ქიმიური ნივთიერებების გარეშე, ბუნებრივი პროცესების დაცვით. მაგალითად: ბიოვაშლი, ბიოთაფლი, ბიოღვინო.
„ორგანული“ (Organic)
ეს არის იმავე მნიშვნელობის ტერმინი, რომელიც განსაკუთრებით პოპულარულია ამერიკასა და ინგლისურენოვან სამყაროში.
„ორგანული პროდუქტები“ რეგულირდება მკაცრი სერტიფიკატებით (მაგ., USDA Organic), რაც ადასტურებს, რომ პროდუქტი არ შეიცავს გენმოდიფიცირებულ ორგანიზმებს (GMO), სინთეზურ სასუქებს, ანტიბიოტიკებს ან ქიმიკატებს.
„ეკო“ (Eco)
ეს ტერმინი, ძირითადად, მაშინ გამოიყენება, როცა საუბარია გარემოზე ორიენტირებულ, ეკოლოგიურად სუფთა პროდუქტზე ან პრაქტიკაზე.
მიუხედავად იმისა, რომ „ეკო“ ზოგჯერ შეიძლება უფრო ფართო ცნება იყოს (ეკოშეფუთვა, ეკოტანსაცმელი), სოფლის მეურნეობაში ის მაინც „ბიოსა“ და „ორგანულის“ ანალოგიურ პრინციპებს ასახავს.
ჩვენი მეურნეობა არის კონვერსიის პროცესში, რომელიც 2023 წელს დაიწყო. ამჟამად მეურნეობა ორგანულში გარდამავალის სტატუსი აქვს და კონტროლდება კომპანია „კავკასერტის“ მიერ, ხოლო სამუშაოები მიმდინარეობს ბიოლოგიურ მეურნეობათა ასოციაცია „ელკანას“ კონსულტანტების ზედამხედველობით.
მეურნეობა მდებარეობს საგარეჯოს რაიონის სოფელ იორმუღანლოში, მდ. ივრის დაბლობზე.
მეურნეობა აერთიანებს მებოსტნეობას, მევენახეობას, მებაღეობას, მეცხოველეობას, მეფრინველეობას, მეფუტკრეობას, მეთევზეობასა და აგროტურიზმს.
ამ ეტაპზე ვემზადებით აგროტურისტული ზონის გასახსნელად. მალე შესაძლებელი იქნება სტუმრობა, ღამის გათევა, ღვინის დეგუსტაცია და მეურნეობის საქმიანობაში მონაწილეობა.
პროდუქტების შეძენა
შეკვეთა შესაძლებელია ჩვენი ვებგვერდიდან ან სოციალური ქსელებით. ვებგვერდზე აირჩიეთ სასურველი პროდუქტი, დაამატეთ კალათაში და მიჰყევით მარტივ საფეხურებს შეკვეთის დასასრულებლად.
ასევე შეგიძლიათ, მოგვწეროთ სოციალურ ქსელებში (ფეისბუქი და ვოცაპი), სადაც მივიღებთ თქვენს შეკვეთას და პასუხს გავცემთ თქვენს კითხვებს.
გარდა ამისა, შეგიძლიათ გვეწვიოთ იორლენდის მარკეტში, თბილისში, მერაბ ალექსიძის #1-ში და თავად აარჩიოთ სასურველი პროდუქტები.
(მაღაზიის მუშაობის დღეები და განრიგი იხილეთ კონტაქტების გვერდზე)
მიწოდების სერვისი მოქმედებს თბილისის მასშტაბით — ყოველკვირეულად, კონკრეტულ 2 დღეს: ხუთშაბათს და კვირას. მიწოდების დღეს, სურვილისამებრ, თავად აირჩევთ შეკვეთის გაფორმების დასრულებამდე.
გადახდა შესაძლებელია როგორც ონლაინ, ასევე მარკეტში ბარათის მეშვეობით ან ნაღდი ანგარიშწორებით.
დიახ. შეკვეთის გაუქმება ან პროდუქტის დაბრუნება შესაძლებელია მიწოდებიდან 12 საათის განმავლობაში იმ შემთხვევაში, თუ ის დაზიანებულია ან არ შეესაბამება შეკვეთას. თუ ადგილი ექნება მსგავს ფაქტს, აუცილებლად უნდა გადმოგვიგზავნოთ დამადასტურებელი ფოტოსურათები.
პროდუქციის დაბრუნების შემთხვევაში, რა თქმა უნდა თანხა სრულად აუნაზღაურდება მომხმარებელს.
ამ ეტაპზე გთავაზობთ ბოსტნეულს, მწვანილს, ყურძენს, სამომავლოდ შემოგთავაზებთ ხილს, ღვინოს, რძისა და ხორცის პროდუქტებს, ჩირს, ფქვილს და სხვადასხვა სეზონურ პროდუქციას.
დიახ, ჩვენი პროდუქცია უმეტესად სეზონურია და მისი ხელმისაწვდომობა დამოკიდებულია ბუნებრივ მოსავალზე. ამასთანავე, გთავაზობთ ჩვენ მიერვე წარმოებულ სხვადასხვა არასეზონურ პროდუქტს, რომლებსაც შეგიძლიათ შესაბამის სექციაში გაეცნოთ. მაღალი მოთხოვნიდან გამომდინარე, რეკომენდებულია წინასწარი დაჯავშნა ან მუდმივ მომხმარებლად — „გამომწერად“ — დაფიქსირება ჩვენს ვებგვერდზე.
ეს არის „იორლენდის“ მიერ შეკრული, ბიომეურნეობაში მოყვანილი პროდუქტების ნაკრები, სადაც წარმოდგენილია კონკრეტული სეზონის ყველაზე სუფთა, ნატურალური და გემრიელი მოსავალი. სეზონური კალათების მოცულობა მორგებულია 2-4-8 ადამიანის კვებითი რაციონისთვის საჭირო პროდუქტების ოდენობაზე.