„იორლენდი“ ის ადგილია, სადაც გემრიელი და ჯანსაღი, ეკოლოგიურად სუფთა პროდუქცია დაგხვდებათ. ეს არის ბიომეურნეობა, რომელიც ერთ მარტივ პრინციპს ეფუძნება: საკვები უნდა იყოს გემოვნური თვისებებისა და მაღალი კვებითი ღირებულების მქონე, ჯანსაღი და ჯანმრთელობისთვის უვნებელი.
ჩვენი პროექტი 2019 წელს შეიქმნა, როცა კოოპერატივმა „იორლენდმა“ საგარეჯოს რაიონში, მდინარე იორის სანაპიროზე, ყორუღის ნაკრძალის მეზობლად, 25 ჰექტარ მიწის ნაკვეთზე საფუძველი ჩაუყარა ბიომეურნეობას. ასეთი იდეალური მდებარეობა საშუალებას გვაძლევს, სოფლის მეურნეობა ჯანსაღ გარემოში განვავითაროთ.
ჩვენი მიზანია ეკოლოგიურად სუფთა და მაღალი კვებითი ღირებულების მქონე ბიოპროდუქტების წარმოება და იმ გარემოს შექმნა, სადაც ბუნებასთან თანაარსებობა ცხოვრების წესია, ხოლო აგროტურიზმი — ინსპირაციის წყარო.
„იორლენდის“ მეურნეობაში მრავალი მიმართულება თანაბრად ვითარდება: მებაღეობა, მევენახეობა, მეცხოველეობა, მეფრინველეობა, მეთევზეობა, მეფუტკრეობა და მებოსტნეობა.
უკვე განაშენიანებულია 6 ჰექტარი. აქ დარგულია ხეხილისა და თხილის (ჯამში, 5,000-ზე მეტი) ნერგები და 10,000-ზე მეტი ძირი ვაზი — როგორც საღვინე, ისე სასუფრე ჯიშები.
დამონტაჟებულია წვეთოვანი სარწყავი სისტემა. ვაზს, ბოსტნეულს, ხეხილსა და თევზს ადგილობრივი ეკოსისტემის გათვალისწინებით, თანამედროვე ტექნოლოგიებითა და ორგანული მეთოდებით ვუვლით.
მეურნეობა ორი წელია კონვერსიის ეტაპს გადის, ანუ ბიოსერთიფიცირების პროცესშია, როგორც ხეხილის, ასევე ვაზისა და ბოსტნეულის მიმართულებით. ინსპექტირებისა და სერთიფიცირებას ახორციელებს მასერთიფიცირებელი ორგანო "კავკასსერტი".
ჩვენი მიზანია, ვაწარმოოთ ის, რისი მიღებაც თავად გვსურს — ჯანსაღი, სუფთა და უგემრიელესი პროდუქტი, რომელიც სიცოცხლესთან, მიწასთან და სიყვარულთანაა დაკავშირებული.
