რეჰანი

„იორლენდის“ ბიომეურნეობაში მოყვანილი რეჰანი არის ნამდვილი არომატული სიმდიდრე. ის ოდნავ მძაფრი და ოდნავ ტკბილია. მოგვყავს ნელა და თანაბრად, ბუნებრივი პირობებით და მინერალური სასუქის გარეშე, რაც ფოთლებს სრულყოფილ სურნელსა და მდგრად სტრუქტურას ანიჭებს.
რეჰანი ფართოდ გამოიყენება როგორც სალათებისთვის, ასევე ცხელი კერძების, სადესერტო კომპოზიციების, ხილის სალათებისა თუ თევზეულის არომატიზებისთვის. შესანიშნავია მწვანე ტყემალში, ლობიოსა და წიწიბურაში. მისი ფოთლები შეგიძლიათ დაფქვათ ან გამოიყენოთ ჩაის სახითაც — გამაცოცხლებელი ეფექტით.
მდიდარია ანტიოქსიდანტებით, A და K ვიტამინებით, ეთერზეთებითა და ბუნებრივი მცენარეული ფიტონუტრიენტებით, რაც მას ჯანმრთელობისთვის სასარგებლო ყოველდღიურ არჩევანად აქცევს.