კალორიების ცხრილი
კალორია არის ენერგიის ერთეული, რომელიც გამოიყენება საკვებში ენერგიის რაოდენობის გასაზომად. საკვებში კალორიების რაოდენობა განისაზღვრება მისი ქიმიური შემადგენლობით.
კალორიების რაოდენობა, რომელიც ადამიანს ყოველდღიურად სჭირდება, დამოკიდებულია მის ასაკზე, სქესზე, აქტივობის დონეზე და სხვა ფაქტორებზე. საშუალოდ ზრდასრულ ადამიანს დღეში დაახლოებით 2000-2500 კალორია სჭირდება. თუმცა, ადამიანებს, რომლებიც უფრო აქტიურები არიან ან რომლებსაც აქვთ ჩქარი მეტაბოლიზმი, შეიძლება მეტი კალორია დასჭირდეთ. ხოლო ადამიანებს, რომლებიც ცდილობენ წონაში დაკლებას, სასურველია რომ მიიღონ შედარებით ნაკლები კალორია.
დღის განმავლობაში მიღებული კალორიების რაოდენობისთვის თვალყურის დევნების მრავალი გზა არსებობს. შეგიძლიათ გაეცნოთ კვების ეტიკეტს საკვების შეფუთვაზე, რათა ნახოთ რამდენ კალორიას შეიცავს ერთ პორცია. ასევე შეგიძლიათ გამოიყენოთ კალორიების დამთვლელი რომელიმე აპლიკაცია ან გაეცნოთ კალორიების ცხრილს ჩვენს ვებგვერდზე.
მნიშვნელოვანია აღინიშნოს, რომ კალორიების რაოდენობასთან ერთად ასევე მნიშვნელოვანია სხვადასხვა საკვების მიღება, რომელიც მდიდარია ნუტრიენტებით (ცილებით, ცხიმებით და ნახშირწყლებით). ჯანსაღი კვება დაგეხმარებათ შეინარჩუნოთ ჯანსაღი წონა და გააუმჯობესოთ თქვენი ჯანმრთელობა.
ქვემოთ მოცემულია რამდენიმე რჩევა რომელიც გამოგადგებათ კალორიების მიღების მართვისთვის:
- ყურადღებით წაიკითხეთ საკვების ეტიკეტები.
- აირჩიეთ საკვები, რომელიც დაბალკალორიულია.
- მიირთვით მცირე ულუფებით.
- ჩაანაცვლეთ შაქრიანი სასმელები წყლით.
- გაითვალისწინეთ თქვენი კვების ჩვევები.
- ივარჯიშეთ რეგულარულად.
ბოსტნეულის კალორიები
კალორიები დათვლილია 100 გრამ პროდუქტზე
ყოველდღიური რაციონის შედგენისას მნიშვნელოვანია ყურადღება მივაქციოთ იმას თუ რამდენად მდიდარია ჩვენ მიერ მიღებული საკვები ნუტრიენტებით. საჭმელი ჩვენი ენერგიის წყაროა – სწორედ მისგან ვიღებთ ცილებს, ცხიმებს და ჯანსაღი ცხოვრებისთვის აუცილებელ ვიტამინებს. ამ მხრივ, ყველასათვის გამორჩეულ საკვებს ბოსტნეული წარმოადგენს.
ბევრ ადამიანს უყვარს ბევრსაც კი სძულს, მაგრამ ფაქტი ერთია – ბოსნტეული თავისი დაბალი კალორიებითა და სასარგებლო ნივთიერებების მაღალი შემცველობით “სუპერ საკვებადაც” კი მოიხსენიება.
სხვადასხვა ბოსტნეულის კალორიულობა, რომელიც ცხრილში ჩანს მიუთითებს იმაზე, რომ ბოსტნეულის პრიორიტეტად არჩევის შემთხვევაში შეგვიძლია უფრო მეტი რაოდენობის საკვები მივიღოთ და ჩვენი თეფშები უფრო მეტად გავავსოთ, ეს კი თავის მხრივ დაგვეხმარება დანაყრების შეგრძნების შექმნაში.
თუმცა აქვე უნდა ითქვას, რომ ჯანსაღი კვების რაციონი არა მარტო ბოსტნეულს არამედ სწორი რაოდენობით მიღებულ ხილს, რძის ნაწარმსა და ხორცეულსაც უნდა შეიცავდეს.
თითოეული ჩვენგანის ორგანიზმი განსხვავებულია, ისევე, როგორც ჩვენი ფიტნეს მიზნები სწორედ ამიტომ სხვადასხვა რაოდენობის კალორიების მქონე საკვები უნდა გავტესტოთ და დავაკვირდეთ თუ, როგორ მოქმედებს ის ჩვენი ენერგიის დონეზე მთელი დღის განმავლობაში.
ხილის კალორიები
ბევრი ადამიანისთვს ტკბილეული ბედნიერი ცხოვრებისთვის აუცილებელი ატრიბუტია. ყველას შეგხვერია ადამიანი, რომელსაც შოკოლადისა და ტორტის გარეშე ფუნქციონირება ფაქტობრივად არ შეუძლია.
მოგეხსენებათ მსგავსი დესერტები ჯანმრთელობისთვის ზიანის მომტანია დიდი რაოდენობით შაქრის შემცველობის გამო. რა თქმა უნდა, ტკბილეულობის მიღებისგან თავი არ უნდა შევიკავოთ, თუმცა ყოველდღიურ რუტინაში კარგი იქნება თუ ზემოთ ჩამოთვლილ საკვებს მეტი ვიტამინითა და ბოჭკოებით გაჯერებული ტკბილი სეზონური ხილით ჩავანაცვლებთ.
ზემოთ მოცემული ხილის კალორიების რაოდენობა დაგეხმარებათ უკეთ დაგეგმოთ თქვენი დღის რაციონი, ისე, რომ ტკბილის დანაკლისის შეგრძნება არ გაგიჩნდეთ. ასევე ცხრილი საშულებას მოგცემთ ზუსტად განსაღვროთ თუ რა რაოდენობით ცილას, ნახშირწყალსა და შაქარს იღებთ სხვადასხვა ხილის მიღებით.
რძის ნაწარმის კალორიები
კალორიები დათვლილია 100 გრამ პროდუქტზე
რძის ნაწარმი კვების რაციონში ჩასართავად მრავალი ფორმით გვხვდება. იქნება ეს მაწონი, სქელი არაჟანი, ხაჭო თუ პირდაპირ ცივი რძის ჭიქა, თითოეული მათგანი მნიშვნელოვან ადგილს იკავებს ჩვენთვის საჭრო ნივთიერებების მოწოდებაში. ბოლოს და ბოლოს თითოული ჩვენგანის პირველი საჭმელი ხომ სწორედ რძე იყო.
სწორედ ამიტომ საჭიროა გავიგოთ ამ მნიშვნელოვანი საკვები ჯგუფის – რძის ნაწარმის კალორიულობა. მოცემულ კალორიების ცხრილში სხვადასხვა საკვებს რამდენჯერმე შეხვდებით, რადგან სუპერმარკეტში ეს საკვები ცხიმის სხვადასხვა პროცენტული რაოდენობით გვხვდება. შესაბამისად სხვადასხვა ცხიმოვანი მაჩვენელის მაწონი განსხვავებული რაოდენობით შეიცავს ცილასა და ნახშირწყლებსაც.
ცხრილი დაგეხმარებათ განსაზღვროთ თქვენთის საყვარელი რძის პროდუქტი რამდენად შეესაბამება თქვენი ორგანიზმის მოთხოვნილებებს. შედეგად შეიძლება ვანილის ნაყინი მაღალი შაქრის შემცველობის გამო ბერძნული იოგურტით ჩავანაცვლოთ, ან თუნდაც ზუსტად ამავე მიზეზით – ჩვენი ფიტნეს მიზნების გათვალისწინებით – ტკბილს ნაყინს მივანიჭოთ უპირატებობა.
მიუხედავად იმისა თუ რით შეავსებთ დღის რაციონს, მთავარია გვახსოვდეს, რომ საკვები ენერგიის წყაროა და უკეთესად ფუნქციონირებისთვის საჭირო ვიტამინების მიღებაში გვეხმარება. კალორიების რაოდენობის ცხრილი კი ერთ-ერთი საშუალებაა, რომელიც ჩვენთვის სასარგებლო პროდუქტების განსაზღვრაში დაგვეხმარება.
იორლენდის ეკოლოგიურად სუფთა პროდუქცია ახლო მომავალში ჩაეშვება გაყიდვაში. თუ გსურს იყო პირველი და მიიღო წინასწარი, 15%-მდე ფასდაკლება შეძენილ პროდუქტზე, დაგვიტოვე საკონტაქტო მონაცემები.
ყვავილოვანი კომბოსტო ჩვენს ყოველდღიურ კვების რაციონში უმნიშვნელოვანეს როლს ასრულებს. ამასთან
2023 წლის სირთულეების ფონზე, კიდევ უფრო გაიზარდა ბუნებაში განტვირთვის მნიშვნელობა.
ტურიზმი საქართველოში ორ ქედსა და ორ ზღვას შორის მოქცეული კავკასიის