სააღდგომო ხაჭოს პასკა კენკრის ჯემით

ხაჭოს პასკის მომზადების წესი ეტაპობრივად :

1. მარლაში გახვეული ხაჭო მოათავსეთ რკინის ჯამში ჩამონტაჟებულ საწურში და ზემოდან დაადეთ 5 კილოგრამიანი ნივთი სიმძიმისთვის, რათა ხაჭო კარგად გამოიწუროს. ასე გააჩერეთ დაახლოებით 4-6 საათი. შემდგომ კი გაწურული ხაჭო გაატარეთ რკინის საცერში, ეს მნიშვნელოვანია იმისთვის რომ პასკა არ გამოვიდეს მარცვლიანი.
2. ასევე გაწურეთ ჯემიც ყველაზე წვრილ საცერში, ისე რომ არ გამოყვეს თესლები. შემდეგ კი ათქვიფეთ მიქსერით ხაჭოსთან ერთად, ნელნელა გაზარდეთ სიჩქარე და თქვიფეთ 10 წუთის განმავლობაში. შემდეგ დაამატეთ ნაღები და განაგრძეთ თქვეფა სანამ მასა არ გახდება ერთგვაროვანი
   
3. სხვა ჯამში ჩახეხეთ კარაქი კვერცხის გულებთან და ვანილის შაქართან ერთად. მიქსერის გამოყენებით შეურიეთ 10 წუთის განმავლობაში. შემდეგ გამზადებული მასები შეურიეთ ერთმანეთს, დაამატეთ ლიქიორი და ლიმონის ცედრა და ათქვიფეთ 10-15 წუთის განმავლობაში.
   
4. კვერცხის ცილა ათქვიფეთ ისე რომ გადაიქცეს ქაფად, დაუმატეთ ხაჭოს მასას და ფრთხილად მოურიეთ ქვემოდან ზემოთ მიმართულებით.
5. მიღებული მასა მოათავსეთ პასკის ფორმაში რომელშიც წინასწარ ჩაფენილი იქნება მარლა, ფორმის ამოვსების შემდგომ მოკეცეთ მარლის კიდეები რათა ძირი დაიხუროს და შედგით მაცივარში 8-10 საათის განმავლობაში. სუფრასთან მიტანამდე კი შეგიძლიათ ხაჭოს პასკა გააჩეროთ ოთახის ტემპერატურაზე 30 წუთის განმავლობაში.